Metro Bilbaok eta Bilbao Bizkaia Design Week 2022-k, sormen industrien topagunea “Disoinua” erakusketa inauguratzen dute gaur Abando geltokian

Erakusketa gaur inauguratu da Metro Bilbaoko Abandoko geltokian (Renfeko sarbide-korridorean) eta azaroaren 30era arte egongo da zabalik.

“Disoinua” azaroaren 17tik 27ra egingo den Bilbao Bizkaia Design Week 2022 ekimenaren 50 jarduera baino gehiagoren aurrerapena da, diseinuak ehun ekonomikoan eta herritarren eguneroko bizitzan duen eraginari buruz hausnartzeko gonbidapenarekin.

Bilboko Udalak eta Bizkaiko Foru Aldundiak diseinuaren astearen zortzigarren edizioa antolatu dute, sormen-industriak garapen ekonomikorako eta hiriaren eta lurraldearen nazioarteko proiekziorako faktore gisa sustatzeko.