Metro Bilbao, Epaimahaiaren Sari Berezia GJH Sarietan

Metro Bilbaok, Cadena SER Euskadik eta Fundación BBK –k antolatu berri duten Garapen Jasangarriko Helburuen (GJH) ekitaldian Epaimahaiaren Sari Berezia jaso du. Bertan, mundu hobea eraikitzen laguntzen duten pertsonak, enpresak eta erakundeak aintzatesteko sariak banatu ziren, denak Nazio Batuen Garapen Jasangarriaren Helburuekin bat datozenak. 

Saria, Bilboko Sala BBK-an ospatutako ekitaldian banatu da eta honek hainbat GJHri egindako zeharkako ekarpena nabarmentzen du. Eneko Arruebarrenak jaso du aitorpen eta Garapen iraunkorrago baterantz aurrera egitea dakarten arlo guztietan dugun konpromisoa nabarmendu du, egiteke asko dugulakoan.