Kartoizko txartelarekin bazabiltza, adi pasaguneari

Txartelak balioztatzeko makinak kontaktu gabeko BARIK sistemara egokitu eta gero, gaur egun Metro Bilbaon balioztapenen % 20 baino gutxiago egiten dira kartoizko txartelekin. Horregatik, martxoaren 19tik aurrera, balioztapen magnetikoa egin daitekeen makinen kopurua gutxituz joango da.<br><br>Horren bidez bi helburu lortu nahi ditu Metro Bilbaok:<br><br>1.- Balioztapen-lerroetatik azkarrago igaroko da jendea, BARIKen erabiltzaileek (% 80tik gora) pasagune guztietan balioztatu ahal izango dituztelako txartelak eta txartel magnetikoak dituztenak (Joanaldia, Joan-etorrikoa, Egunekoa, Super50 eta Urtekoa) horretarako gaitutako makinetara bideratuko direlako.<br><br>2.- Baliabideak optimizatuko dira, kudeaketa hobera begira, balioztapen-makinen mantentze-lanak ere sinpletuz.<br><br>Mugitzeko arazoak, ume-kotxe eta aulkiak, maletak eta abar dituzten pertsonentzako pasagune zabaletan eta nasetan igogailuetara joateko dauden balio-emaileetan ere balioztapen magnetikoa eta kontakturik gabeko balioztapena egiteko aukera egongo da beti.<br><br>Erreferentzia modura, geltokiren batean salbuespenik izan litekeen arren, kartoizko txartelak balioztatzeko egokitutako makinak balioztapen-lerroen bazterretan egongo dira eta erdiko pasaguneak kontakturik gabekoetarako soilik utziko dira.<br><br>Metro Bilbaok espero du bezeroak azkar egokituko dira egoera berrira eta, horretarako, informazio-kanpaina antolatu du txarteldegietako pantailetan, web orrian eta&nbsp;<a href="https://www.facebook.com/metrobilbao&quot; target="_blank">facebooken.</a><br><br><img src="/system/attachments/9491/original/816_X_332_canceladoras_eusk.jpg?2014-03-19%2012:54:17%20+0100" alt="balioztatzaileak" title="balioztatzaileak">