Bilbo, 2020ko urriaren 1a.<br><br><span> </span>Laster dugu azaroaren 11, Metro Bilbaoren inaugurazioaren 25. urteurrena, eta metropoli-trenbideak herritar guztiekin ospatu nahi du data seinalatu hori. Hori dela eta, bere 42 estazioetan zehar dauden publizitate-panel guztiak jarri nahi ditu jendearen eskura.<br><br><span> </span>Zorionak emateko ekimen honetan parte hartu nahi duten guztiek web orriaren bidez bidali ahal izango dute zorion-mezua: www.metrobilbao.eus. Testua, irudia, marrazkia, argazkia, poema… edozer izan daiteke, pdf edo jpg formatuan.<br><br><span> </span>Zorion-mezuak bidaltzeko epea urriaren 20ra artekoa izango da, gaurtik hasita. Garrantzitsua da zorionak ematen dituen pertsonaren izen-abizenak eta NAN zenbakia ematea, eta, 16 urtetik beherakoa izatekotan, tutorearen datuak ere jarri beharko dira. <br><br><span> </span>Zorion-mezuak Metro Bilbaoren 42 estazioetako publizitate-paneletan jarriko dira, azaroan. Baldintza eta oinarri guztiak webgunean kontsulta daitezke.<br><br><span> </span>Ekimen honen bidez, herritarrek aktiboki parte har dezakete garraiobide honen 25. urteurreneko ospakizunean. Dagoeneko, gure eguneroko bizitzan ezinbesteko bihurtu zaigu metroa; zer egingo genuke hori gabe! <br><br><span> </span>Animatu eta bidali 25. urteurreneko zorion-mezua!
•2020/11/11n Metro Bilbaoren 25. urtemuga izango da, eta zorion-mezuen sare bat sortzea proposatu nahi diegu herritarrei.
•629 zorion-mezu ere jarriko dira erakusgai metropolitarraren 1. eta 2. lineetako geltokietan.