<strong>Bilbo, 2019ko apirilak 9</strong><br><br>Bizkaiko Garraio Partzuergoa, Euskal Trenbide Sarea, Euskotren eta Metro Bilbaok, Euskal Autonomia Erkidegoko Herri Administrazioen menpeko trenbide-alorreko erakunde eta enpresak, ELHUYAR eta CAF bidelagun, euskararen arloko elkarlanaren bideari ekin genion 2016ko uztailean aurkeztu eta sarean erabilgarri dagoen lau hizkuntzatako (eu,es, en, fr) tren-hiztegi bateratuarekin: TRENGINTZA HIZTEGIA (<a href="http://www.trenhiztegia.eus" target="_blank" title="trehiztegia">www.trenhiztegia.eus</a>).<br><br>Lehen egitasmo haren ostean elkarlanean jarraitu dugu, aliantza aberasgarria sortuz.<br><br>Distantziak laburtu eta garraio publikoaren bidez helmuga gehiago elkarlotu dituen 3. linea zerbitzuan jarri ondoren, KORRIKAk esparru ezin hobea eskaintzen digu euskararen bidaian batera jarraitzeko dugun guraria ikusarazteko. <br><br>KORRIKA apirilaren 4an abiatu zen Garestik eta 14an amaituko da Gasteizen, hautu bat egitera, euskara hautatzera deitzen digun leloarekin: KLIKA.<br><br><strong>Apirilaren 11n Bilbon ibiliko da</strong>, eta Bizkaiko Partzuergoak, Euskal Trenbide Sareak, Euskotrenek eta Metro Bilbaok euskararen eta tren-zerbitzuaren alorretan elkarlanean aritzeko aliantza jendaurrean erakusteko gure kilometroa egingo dugu, eta Moraza plazatik Udaletxeraino eroango dugu lekukoa.<br><br><strong>1733 kilometroa.<br>Lekukoa hartuko dugun tokia: Tiboli kalea, Moraza plaza.<br>Ordua: 14:27</strong><br><br>Animatu eta parte hartu. <br>Hautatu euskara: KLIKA.
.