Metro Bilbaok bihartik irailera arte eskainiko du zerbitzua ostiral gau osoan

Jai bezperetan ere etengabeko zerbitzua emango da.

Bihartik, ostirala, eta irailaren 30era arte, Metro Bilbaok etenik gabeko tren zerbitzua eskainiko du ostiral, larunbat eta jai bezperetako gauetan, hilabete hauetan metroaren zerbitzuan egin ohi den bezala. Horrela, ostiralero eta larunbatero, baita jai bezperetako gauetan ere, (uztailak 24 eta 30 eta abuztuak 14) trenak ibiliko dira gau osoan.