Sistemak milioi bat bisita jaso zituen iaz.
Sarrerak 15 minutuko doako nabigazioa ahalbidetzen du.
Metro Bilbaok doako wifia du geltoki guztietan jada. Aste honetan bertan amaitu da 42
geltokietan zerbitzu hori ezartzea, azken urteetan konexio puntuen kopurua pixkanaka
handituz joan ondoren.
Zerbitzu horretara sartu ahal izateko, nahi dutenek beren telefonotik eskura duten sarera
konektatu beharko dute, eta 15 minutuz konexioaz gozatu ahal izango dute, albisteak
irakurri ahal izateko, mezu elektronikoak bidal eta jasotzeko, sare sozialak erabili ahal
izateko... eta, horrela, geltokian itxaroteko denbora laburra aprobetxatu.
Joan den urte osoan 956.950 bisita izan ziren, eta ehuneko hori % 15 inguru igo da 2024ko
lehen hilabeteetan. Zalantzarik gabe, kopuru hori handitu egingo da zerbitzua geltoki
guztietara zabaltzearen ondorioz. Zehazki, konektatzen diren pertsonen % 99,5 telefono
mugikor batetik konektatzen dira, eta gehien erabiltzen duen kolektiboa 18 eta 30 urte
bitarteko gizonena da.
Orain arte konexio gehien dituzten geltokiak Zazpikaleak/Casco Viejo, Abando eta San
Ignazio dira, eta konektatzeko gailuen hizkuntzak gaztelania, ingelesa, frantsesa, alemana
eta, jakina, euskara dira.
Zerbitzuaren horniduraz arduratzen den enpresa Wifinova da, Bizkaiko enpresa liderra,
sarbide publikoetan wifi sare ireki ugari dituena, eta hainbat udal, administrazio publiko,
merkataritza zentro, ospitale, hotel eta enpresa txiki eta ertain zerbitzatzen dituena,
nazioartean ere konponbide eta presentzia zabala eskaintzen duena. Kasu honetan,
geltokietako wifi zerbitzua da lankidetza publiko-pribatuak zerbitzuaren kalitatean eragin
positiboaren adibideetako bat.
