Metro Bilbaoren beste urrats bat langileen artean eta bezeroenganako zerbitzuan euskararen erabilera areagotu eta dinamizatzeko.

<p><strong>Bilbo, 2012ko abenduak 3</strong>- Euskararen Nazioarteko Egunari egoki iritzi dio Metro Bilbaok ahize-aek aholkularitza adituarekin lankidetza-hitzarmena sinatzeko erakundearen hizkuntzak kudeatzeko sistema eta, kanpoko zein barruko harremanetan, euskararen erabilera areagotu eta dinamizatzeko plana diseinatu eta ezartzeko. <br>Plana Metro Bilbaoren gizartearekiko erantzukizunarekin loturiko konpromisoetan txertatzen da eta urtebete iraungo du. Tarte horretan hizkuntza-diagnostikoa zehaztu eta hobekuntza-plana bultzatuko dira, Bikain euskara-kalitatearen oinarrizko ziurtagiriaren mailara heltzeko. <br>Horren harira, aipatu nahi dugu Metro Bilbaok elebitasunean eta hizkuntzaren normalizazioan legeak eskatzen diona eta gehiago egin izan duela beti, langileen arteko zein bezeroenganako harremanetan.</p><p>Lankidetza-ituna sinatzen Metro Bilbaoko zuzendari nagusi Iñaki Etxenagusia eta AEKko Koordinatzaile Nagusi Mertxe Mujika Balantzategi.<br>&nbsp;</p>