Laguntza humanitarioz beteriko hiru kamioi abiatuko dira saharar herrirantz

<p align="justify">Bilbo, 2014ko otsailak 14-</p><p align="justify">Metro Bilbao eta EuskoTreneko langileak, Euskal Trenbideetako Langileak Mugarik Gabe elkarteko kideak, saharar herriari laguntzeko prest aurten ere. Oraingoan hiru kamioi eroango dituzte, laguntza humanitarioz beterik: 15.000 € jateko eta botikatan, botikak, Ausserd-eko kanpalekuan tailer mekanikoa eraikitzeko eta Ausserd-eko ama-etxean eguzki-energia jaso eta erabiltzeko instalazio osoa egiteko osagaiak.</p><p align="justify">Karabana humanitarioa datorren astelehenean, otsailak 17, abiatuko da 8:00etan Gasteiztik, eta Metro BIlbao eta EuskoTreneko langileek ia egun osoa emango dute gidatzen&nbsp; 800 kilometrora dagoen Alacanteko porturaino, han itsasontziratu eta azken helmugaraino iristeko. </p><p align="justify">Hamargarren urtea du Metro Bilbaok saharar herriarenganako elkartasun-kanpainetan laguntzen. Aurreko urteetan Ertzaintzak emandako ibilgailu sorta garrantzitsua eroan zuten langileek eta, beste batean, Metro Bilbaok berak emandako materiala (hiru furgoneta, 20 ordenagailu-monitore eta 700 eskuoihal), gehi bi 4x4 ibilgailu eta bi trailer, Saharar Lagunen Gasteizko Elkarteak eman eta osasun-materialez beterik zihoazenak.</p><p></p>