<p>2017ko ekainak 22</p><p>Ekainean aitortza bikoitza jaso du Metro Bilbaok segurtasunaren kudeaketan dituen konpromisoa eta bikaintasuna goraipatzeko.</p><p><br>Atzo, ekainak 21, Metro Bilbaoko Segurtasun-arduradunak Eusko Jaurlaritzako Segurtasun Sailaren ohorezko aipamena jaso zuen. Metropoliko treneko Segurtasun-buruak hartu zuen segurtasun pribatuaren alorrean Ertzaintzarekin daraman elkarlaneko ibilbide profesional luzearengatik egin zaion aitortza. Jaurlaritzaren Segurtasun Sailaren ebazpenean bereziki goraipatzen da ustezko sexu-erasotzaile bat identifikatu eta harrapatu ahal izateko Ertzaintzari emandako laguntza. Egitate horiek Plentziako udalerrian gertatu ziren 2016ko irailaren 4an, horrelako delituak garrantzi berezikotzat baititu Ertzaintzak. </p><p><br>Segurtasun pribatuaren alorrean beren eginbeharrak betetzen gailendu diren pertsonak saritzeko ematen diren goraipamenen bigarren edizioa izan da hau Oraingoan, era berean, zenbait segurtasun-langilek Metro Bilbaon egindako lana ere espresuki aitortu da.<br>Gainera, ekainaren 1ean segurtasunaren kudeaketako bikaintasunaren ohorezko aipamenak banatu ziren Gasteizen, Euskal Autonomia Erkidegoko Segurtasun Pribatuaren Egunean, Estatuko Gobernuaren Ordezkaritzak eta Segurtasun-enpresen Batzordeak antolatutako ekitaldian. 2015ean eratu zen Batzordeak nabarmendu nahi izan zuen hiriarteko tren-konpainiak segurtasun pribatuarekin duen konpromisoaren eta elkarlanaren bikaintasuna, balioan jarriz segurtasun pribatuko langile batzuen jarduna eta, bereziki, Metro Bilbaoko Segurtasun-sailarena. </p>
Atzo, ekainak 21, Metro Bilbaoko Segurtasun-arduradunak ohorezko garaikurra jaso zuen, enpresako segurtasunaren kudeaketa balioan jarriz.
Era berean, Segurtasuneko Enpresen Batzordeak Metro Bilbao saritu zuen Segurtasun Pribatuaren Egunean, segurtasunarekin duen konpromisoarengatik.