Trengintza Hiztegia berritu dute trenaren sektoreko bost erakundek

<strong>Bilbon, 2018ko urtarrilaren 31n</strong><br><br>Trengintza Hiztegiak jada 5.200 kontzeptu eta 100 irudi jarri ditu lau eletan (eu, es, fr,en) Interneten&nbsp; (www.trenhiztegia.eus), tren alorreko enpresek 2016an Elhuyarrekin abiatutako elkarlanaren eskutik.<br><br>Aurrera eta ondo doa Bizkaiko Garraio Partzuergoa, CAF, Metro Bilbao, Euskotren eta Euskal Trenbide Sarea erakundeek, Elhuyarreko terminologia-adituen aholkularitzapean, iaz trengintza-hiztegia osatuz joateko abiatutako bidaia.<br><br>2016an sektoreko terminologiaren inguruko 4.830 kontzepturekin sortu eta sarean plazaratu ostean, lau hizkuntzatako hiztegiari 2017an 500 gehituta, jada 5.200 kontzeptu ditu. Gainera, 100 irudi sartu zaizkio.<br><br>Bost erakundeen asmoa proiektu horretan segitzea da, urtero zerbait gehituz, kontzeptuak, irudiak zein hizkuntzak. <br><br>Beraien arteko harremana eta elkarlana sustatu eta lan horren hazia eta uzta beste alor batzuetara hedatzeko ez ezik, beste jarduera sektore-batzuentzat eredu eta akuilu izateko bideak arakatu nahi dituzte.