Metro Bilbaon erabiltzaile guztien esperientzia hobetzeko lanean jarraitzen dugu. Horregatik, bi funtzionalitate berri sartu ditugu gure web orrian.
Lehenengoa webaren orrialde nagusian geltoki-hautatzailea berri bat da, hurrengo trenetarako itxaronaldiak denbora errealean erakusten dituena. Sareko edozein geltoki bat hauta daiteke, edo hurbilena erakutsi, geo-kokapenaren aukera erabiliz. Klik bakar batekin nasako teleadierazleetako informazio bera lortuko da.
Bigarrena aldiz, webgunearen jatorrizko edukia aldatzen ez duen erabilerraztasun-tresna da. Pantailaren alboan dagoen ikono bat sakatzean aktibatzen da, eta hura hautatzean erabiltzaile bakoitzaren beharretara egokitutako hainbat nabigazio-modu dituen menu bat zabalduko da, hala nola teklatu bidezko kontrola, ahots-aginduekin edo ikusmen murriztua duten pertsonentzako nabigazioa, besteak beste.
Berritasun horiekin, Metro Bilbaok berretsi egiten du erabiltzaile guztientzako zerbitzu digital irisgarria, inklusiboa eta erabilgarria eskaintzeko konpromisoa.
