Bizkaiak partekatu ditu mugirkortasun metropolitarraren arloan izan dituen esperientziak

<strong>Bilbo, 2016ko apirilak 8.</strong><br><br>Gaur goizean, garraio arloko Bizkaiko arduradunek bilera egin dute Kolonbiako 6 metropoli-eremuetako 17 alkate eta zuzendariz osatutako ordezkari-talde batekin, ordezkariok Bilbo bisitatzen ari baitira, eta Bilbo metropolitarrean nagusiko Bizkaibus eta Metro Bilbaoren bidez garatutako mugikortasun iraunkorreko eredua azaldu diete.<br><br>Bilera Metro Bilbaoren egoitzan egin da. Foru Aldunditik, Vidal Martínez Garraioak eta Mugikortasuna Sustatzeko zuzendaria izan da bileran; Metro Bilbaotik, Eneko Arruebarrena zuzendari gerentea, eta, Bizkaiko Garraio Partzuergotik, Manu Tejada zuzendari gerentea. Kolonbiatik, berriz, ordezkari hauek izan dira: Cucuta, El Zulia, Los Patios, San Cayetano eta Villa del Rosarioko alkateak eta hango metropoli-eremuetako zuzendari eta aholkulari batzuk.&nbsp; <br><br>Vidal Martinezek Kolonbiako bisitariei esan dienez, etorkizuna aztertzen ari gara C02aren isurpenak murrizten aurrera egiteko.&nbsp; Garraioak, Mugikortasuna eta Lurraldearen Kohesioa Sustatzeko Foru Sailaren helburu estrategikoa da Bizkaian errepide bidezko bidaiarien garraioa hobea eta eraginkorragoa izaten laguntzea. <br><br>Bizkaiak garraio publikoaren sare handi bat du, 1,152 milioi pertsonari zerbitzua ematen diona; sare handi horren barruan, bi sare azpimarratu behar dira: metro-sarea, bi linea eta 41 geltoki dituena eta urtean 87,5 milioi bidaia egiten dituena, eta Bizkaibusen autobus sarea, 107 autobus-linea dituena eta urtean 26 milioi bidaiari garraiatzen dituena.<br><br>Bizkaiko Garraio Partzuergoaren bidez egiten da hiri-adarkadura edo lurralde bereko garraiobideen arteko koordinazioa; horretarako, azpiegitura intermodalak eraiki ditu, garraio publikoari lotuta disuasio-aparkalekuak egin ditu ibilgailu pribatua ez erabiltzeko, eta Barik txartela ezarri du.<br><br>Barik kontaktu gabeko txartelak aukera eman du garraiobideak kohesionatzeko, guztietan ezarri baita. Ondorioz, zerbitzuaren kalitatea hobetu da; izan ere, bezeroek garraiobide guztietan erabili dezakete txartela.<br><br>Giza Kokaguneetarako Nazio Batuen Programaren (NBE-HABITAT) barruan egin da bilera; programaren helburua da sozialki eta ekologikoki iraunkorrak diren hiriak eta herriak sustatzea.