<strong>Bilbon, 2017ko irailaren 28an.</strong><br><br>Beste urte batez, Getxoko Folk Jaialdiaren XXXIII. Edizioan lagunduko du Metro Bilbaok. Jaialdia dela eta, Reading Pipe Band talde eskoziarrak bihar, hilak 29, ostiralean, jardungo da Metroan.<br><br>11:45ak aldera, talde eskoziarrak Zazpikaleak/Casco Viejo geltokiko Unamuno irteeran egingo du agerraldia eta saio txikia eskainiko du. Jarraian, metrora igoko dira eta konboiaren barruan ere ariko dira, Bidezabaleko geltokiraino.<br><br>Readin Pipe Band taldeak 60 urteko ibilbidea du. 1957. urtean sortu zen Erreginaren Cameron Highlandersetako gaita-jotzaile ohien ekimenez eta Erratcheko Cameron zirrikitona daramate. Egun, 20 kide ditu bandak eta hainbat jaialdi, jai, ospakizun eta ekimenetan parte hartu dute Erresuma Batuan zein kanpoan.<br><br>Metro Bilbaoren laguntzarekin, izen handiko figurak eta banda gazteak elkartuko dira Getxoko jaialdi horretan, bakoitzak bere herrialdeko musika sentitzeko eta ikusteko modua adieraz dezan.
• The Reading Pipe Band Zazpikaleak/Casco Viejo geltokitik Bidezabaleraino bidaiatuko da bihar eguerdian.
• Musika taldeak Unamunoko sarbidean hasiko du ibilbidea.