<strong>Bilbo, 2018ko martxoak 2</strong><br><br>487 pertsonak eman dute izena UnderRun Metro Bilbao lasterketan emandako epearen barruan, hots, otsailaren 28ra arte. Izena eman dutenen zerrenda hemen dago: www.underrunmetrobilbao.com. Horietatik 200ek soilik izango dute lehiatzeko aukera: 180 notario aurreko zozketan erabakiko dira eta beste 20ak aurkeztutako bideorik onenak egin dituztenak. <br><br>20ko taldetan egingo dute korrika lasterketan. Talde bakoitzean babesle bat egongo da, besteak beste, Carlos Gurpegui, Iraia Iturregi, Roberto Laiseka eta Alex Txikon.<br><br>Astelehenean, martxoak 5, 11:00etan egingo da Zozketa Eduardo Ares de Parga notarioaren aurrean.<br><br>Lasterketa martxoaren 25etik 26rako gauean egingo da, igande-astelehen. Metroaren tuneletan zehar egingo da oso-osorik, Moyua-Ansio artean. Ia 8 kilometro ditu, lurpeko geltoki hauetan zehar doan ibilbideak: Moyua, Indautxu, Santimami/San Mames, Deustu, San Ignazio, Gurutzeta eta Ansio.
• Lasterketako parte-hartzaileen behin betiko zerrenda zozketa bidez erabakiko da datorren astelehenean, martxoak 5, 11:00etan notario aurrean