Metro Bilbaoren trenak gero eta irisgarriagoak dira

<div><strong>Bilbo, 2019ko ekainak 4</strong><br><br><div>Metro Bilbao aurrera doa bere irisgarritasun-estrategian. Horrela, datozen hiletan, apurka, lau bagoiko trenetako eserleku eraisgarri guztiak kenduko ditu. Neurri horrekin batez ere irisgarritasuna hobetu nahi da, beste urrats bat eginez hiriarteko tren-konpainiak dituen helburuetan. Horrela, azkarrago eta erosoago sartu eta irtengo dira gurpildun aulkietan edo haur-aulkiekin doazenak. <br><br><div>Gainera, horrela leku gehiago utziko da zutik doan jendearentzat. Eserleku eraisgarririk gabe bezeroak, oro har, errazago sartu eta irtengo dira trenetatik, eserleku horien erabilpenak batzuetan bidea oztopatzen baitu.<br><div><div>Irisgarritasunari buruzko eskuorri bat ere atera da, eta bezeroek eskura dago geltokietan eta arreta-bulegoetan.<br><br><div>Iaz 46 tren birmoldatu ziren. Mugimendu murritzeko pertsonentzat gordetako espazioak berrantolatu ziren (gurpildun aulkiak, haur-aulkiak, haurdunak eta adinekoak).<br><br><div>Hau guztia egin zen: gurpildun aulkien guneko eserleku eraisgarriak kendu ziren, gurpildun aulkien eta haur-aulkien espazioak bereizi ziren, biniloak itsatsi ziren zoruan, ateetan eta leihoetan, haize-babesak kendu ziren gurpildun aulkien maniobrak errazteko, eta mugimendua murriztuta duten pertsonentzat (adinekoak, haurdunak, makuludunak, eta abar) gordetako eserlekuak tren osoan sakabanatu ziren, bagoi bakoitzean bi eserleku grisez tapizatuta.<br>