<strong>Bilbo, 2012ko irailak 7.<br><br></strong>Aurten, berriro ere, laguntza emango dio Metro Bilbaok Getxoko Folk Jaialdiaren XXVIII edizioari. Gaur, ostirala, jaialdian arituko den talde bat –Stow Pipe Band Eskoziako banda- 1 linean ibili da Moyuako geltokitik hasi eta Bidezabaleraino. 21 pertsonako taldeak metroko bezeroak alaitu ditu goizean, jaialdiko beren emanaldiaren aperitiboarekin.<p>Metro Bilbaok babestuta, jaialdiak berriro batuko ditu figura ospetsuak eta banda gazteak, herrialde ezberdinetan musika zelan bizi eta sentitzen den islatzeko udalerrian. </p><p>Eskoziako taldea 1953an sortu zen Stow-n, Eskoziako mugan, Edinburgoko hegoaldean. Gaur egun, taldekideak Stow inguruko hainbat herritakoak dira, mugaktik gertukoak, Galashiels, Lauder, Melrose eta Dunbar-ekoak, besteak beste. Erracht-eko Camerondarren zirrikitona janzten dute. Ekitaldi ugaritan hartzen dute parte, kontzertu, jaialdi, ospakizun, hala nola, Highland Games jokoetan (Highlands-ekoak). Azkeneko urteetan, Galizian, Gasteizen, Italian Aosta bailaran, Frantzia, Belgika eta Irlandan aritu dira (argibide gehiago <a href="http://www.getxo.net/es/getxo-folk/">http://www.getxo.net/es/getxo-folk…;)</p><p>Jaialdia irailaren 5etik 9ra izango da. Guztira 12 emanaldi. Metroz eskura daude, gehienak Areetako geltoki-plazan direlako. Edizio honetan protagonista nagusiak Cheikh Lô senegaldarra eta Kíla talde irlandarra dira.<br> </p>
•Stow Pipe Band Eskoziako gaita-bandak musika-bidaia egin du gaur eguerdian Bidezabaleko geltokiraino.
•Metroz joatea gomendatzen diogu jendeari, Areetako geltoki-plazan izango diren emanaldi nagusietara joan nahi badu