José Luis Bilbaok barkamena eskaktu dio jendaurrean Iñaki Etxenagusiari.

<p>Bizkaiko Garraio Partzuergoaren eta Metro Bilbaoren presidentea den José<br>Luis Bilbaok gaur goizean, jendaurrean, barkamena eskatu dio hiri<br>trenbidearen kudeatzailea izan zen Iñaki Etxenagusiari. Bilbaok<br>asteleheneko prentsaurrekoan esan zuen Etxenagusiari 93.000 euroko<br>kalte-ordaina ordaindu zitzaiola kontratuan horrela jasota zegoelako.<br>Haren esanetan: "Astelehenean eman genuen informazioa benetakoa da,<br>baina bakarrik erdizka; eta batzuetan, egia erdiek gezurrek baino min<br>gehiago ematen dute".<br><br>Bizkaiko Garraio Partzuergoaren presidenteak zera bermatu du Iñaki<br>Etxenagusiaren kalte-ordainari eragiten dion lege-aldaketaren gainean:<br>"astelehenean ez nekien hori, eta nire errua izan da". Bere hitzetan:<br>"Ezjakintasunaren ondorioz erratu nintzen; nire ustez hanka sartze larria<br>egin nuen, eta horregatik eskatzen diot barkamena jendaurrean<br>Etxenagusia jaunari. Izan ere, pertsonen izen ona eztabaida politikoen<br>gainetik egon behar da".<br><br>Bizkaiko Garraio Partzuergoaren eta Metro Bilbaoren presidentea den José<br>Luis Bilbaok amaitzeko honakoa esan du: "Erratu egin naiz eta<br>jendaurrean aitortzen dut".</p>